كاين الحل فهاد الحالة, وهو لي غاندويو عليه فهاد المقال.
قبل التحدث على الحل أجيو نشوفو بعدا كيفاش كيخدم هاد الروتور, طريقة العمل ديالو بحالها بحال الحواسيب, يعني حتى هو فيه RAM لي هي ذاكرة مؤقتة كتحط فيها الكونفيغ بشكل مؤقت, والى طفى كتمشي منو ديك الكونفيغ, كاينة النظيرة ديالها ولي هي NVRAM وهاذي هي لي كتحط فيها الكونفيغ ووخا يطفى الروتور كتبقى مسوفكاردية فيه, وكاينة ROM لي محطوط فيها البوت ديال هاد الروتور. وكاينة FLASH وهاذي كيتحط فيها الــ Systeme d'exploitation ديال الروتور, ولي كنسميوه IOS ولكن كنقدرو نموديفيو فيها يعني نقدرو نمسحوها ونعاودو نآنصطاليو فيها.
من بعد ما خذينا واحد النظرة بسرعة على مكونات الراوتر, دبا غانمشيو نشوفو كيفاش نقدرو نحلو المشكل ديالنا.
فهاد الروتور كيكون عندنا واحد الروجيستر دكونفيغ, مكون من 16 بت, كل بت كيكون مكلف بشي طاش:
Bits 0 à 3 : Champ d’amorçage.Bit 4 : Démarrage rapide (sur les routeurs 7000).Bit 5 : Vitesse de la ligne console supérieure à 9600 Bauds.Bit 6 : Ignorer le fichier de configuration de sauvegarde (en NVRAM).Bit 7 : OEM.Bit 8 : Combinaison de Break après chargement d’IOS.Bit 9 : Utilisation du bootstrap secondaire.Bit 10 : Broadcast IP avec tout à zéro.Bits 11 et 12 : Vitesse de la ligne console.Bit 13 : Utiliser l’image par défaut en ROM si échec du démarrage réseau.Bit 14 : Broadcasts IP n’ont pas de numéros de réseau.Bit 15 : Activer les messages de diagnostics et ignorer le contenu de la NVRAM.- Bits 0 à 3 : Champ
d’amorçage.
- Bit 4 : Démarrage
rapide (sur les routeurs 7000).
- Bit 5 : Vitesse
de la ligne console supérieure à 9600 Bauds.
- Bit 6 : Ignorer
le fichier de configuration de sauvegarde (en NVRAM).
- Bit 7 : OEM.
- Bit 8 :
Combinaison de Break après chargement d’IOS.
- Bit 9 :
Utilisation du bootstrap secondaire.
- Bit 10 : Broadcast IP
avec tout à zéro.
- Bits 11 & 12 : Vitesse
de la ligne console.
- Bit 13 : Utiliser
l’image par défaut en ROM si échec du démarrage réseau.
- Bit 14 : Broadcasts IP
n’ont pas de numéros de réseau.
- Bit 15 : Activer
les messages de diagnostics et ignorer le contenu de
إلى لاحظتي غايبان ليك كل بت مختص فشي طاش فعلا.
وهاد 16 بت كنقراوهم على شكل هيكزاديسمال, كيكونو على هاد الشكل :
فواالا, دبا حنى عندنا الغرض نسترجعو الباسوورد ونحافظو على نفس الكونفيغ, إذن هنا أول حاجة غانكونو كنتعاملو معاها هي الـ NVRAM. إذن كيفاش غانقدرو نعرفو شنو هو الوضع ديال الديماراج دالـ NVRAM, قلنا أن داك الجدول كنقراوه بصيغة الهيكزاديسيمال. إذن إلى شديناه وقريناه بهاد الحالة لي هو فيها الآن ولي هي الحالة ديالو ملي كيكون Par defaut , غانلقاو هاد الرقم : 0x2102
قلنا أن الغرض عندنا هو NVRAM إذن غانمشيو للبت 6 لي مكلف بهاد الخاصية, وغادي نموديفيو فيه, إلى كان 1 غانرجعوه 0 وإلى كان 0 أنرجعوه 1
فهاد الحالة عندنا البت فيه 0 إذن غانقلبوه 1 ونعاودو نحسبو داكشي غايعطينا: 0x2142
دبا غاندوزو للخطوة التالية ولي هي غانقولو للروتر يتخطى الـ NVRAM ملي يكون كيديماري, يعني مايقراش شنو عندنا فالـ NVRAM باش مايطلبش منا لباسوورد باش غاندخلو.
الطريقة هي نطفي الراوتر ونعاودو نشعلوه, وفاللحظة لي غايكون كيشعل فيها, غاديين نكليكيو على Ctrl+ Pause Break فالكلافي :
غانديرو هادشي تطبيقي باش تفهمو أكثر. غا ناخذ هاد الروتور وندير فيه هاد الكونفيغ:
حنى غانطفيو الروترو ونفتارضو أننا نسينا على المودباص باش اندخلو, إذن غانطفي الروتور وفاللحظة لي غايكون كيشعل غانكليكي على Ctrl+ Pause وغاياخذني للمود ديال : rommon
هنا غانكتب الأمر confreg 0x2142 منين جبت ديك 0x2142 هي القيمة الجديدة لي لقيناها من بعد ما حولنا البت السادس, وهاد الأمر غايقول للروتر باش يتفادا يقرا لينا الـ NVRAM ملي يكون كيديماري. يعني غادي ينقز الـ NVRAM
من بعد ماغاندخلو الكوموند نزيدو موراها reset باش يتروديمارا الروتر.
من بعد مايشعل الروتور أنلاحظو أنه تبدل الإسم ديالو من DarijaTec وولا Router, يعني الكونفيغ لي كانت فيه ما بقاتش طالعة, وهذا يعني أننا حاليا أي تغيير غانديروه غادي يتسجل فقط فلارام, لكن كيفاش نقدرو نعرفو الباسوورد لي كان فيه ؟
غانديرو لاكوموند : show startup-config
هنا غانلاحظو أنه طلع لينا المودباص القديم لي كنا دايرين. إذن الآن نقدرو نقيدو المودباص ديالنا أو نعقلو عليه ونعاودو نروديماريو الروتور وندخلوه عادي وهاكا نكونو حلينا المشكل.
لكن ماذا لو كان المودباص كريبطي, فراه ماغاديش يبان لينا بداك الشكل, وغادي يكون مشيفري وماغانقدروش نعرفوه, هنا فهاد الحالة, غانكوبيو الكونفيغ لي فالــ NVRAM ونرجعوها للـ RAM باش نقدرو نموديوفيو فيها ومن بعد نسوفكارديو داكشي لي درنا مرة أخرى فالــ NVRAM
كيف ما كتلاحظو, ملي كوبيت الكونفيغ لي فالـ NVRAM للـ RAM رجعات الكونفيغ لي كانت ديجا فالروتر. والإسم هو Darijatec الآن نقدر مثلا نمسح كاع دوك المودباصات لي ديجا كنت دايرهم ونخلي الروتور يدخل نيشان بلا باسوورد, أو نقدر نموديفي فيهم على حسب لي بغيت, أنا فهاد الحالة غانمسحهم.
الآن أندوز للمرحلة الأخيرة ولي مهمة, ولي هي نسوفكاردي الكونفيغ ديالي فالــ NVRAM باش تولي هاذي هي الكونفيغ الجديدة. وأهم شيء أنني نرجع الباراميطر كيف كانو, يعني نرجع وضع البوت للأصل ديالو, باش مايعاودش يديماري الروتور ويتخطى الـ NVRAM.
إذن كيف كتشوفو سوفكارديت الكونفيغ الجديدة, ورجعت الباراميطر دالبوت كيف كانو, ودرت reload باش الروتور يعاود يروديماري من جديد (reload غادي تكون فالمود برفيليجي)
من بعد ماغايتروديمارا الروتر أيخدم بشكل طبيعي وغاتبقى فيه آخر كونفيغ درناها.
نتمنى تكونو استفدتوا.
التسميات
Networking