كنلاحظ أن بزاف ديال الناس لي كيقراو فالتكوين ما كيستافدوش من الإيميل لي كيعطيوهم, وهو إيميل يمكن ليك تستغلو وتستافد بشكل مجاني من بزاف ديال الخدمات لي كتكون مدفوعة وغالية. وعلى رأسها برنامج الأوفيس وكذلك بزاف ديال الخدمات ديال Microsoft مثل Azure لي كيتقدر تاخد منو RDP بشكل مجاني. وكذلك مساحات تخزين مجانية.. والكثير من الخدمات.
حنى فهاد المقال غانتكلمو على الأوفيس لأنه هو الأكثر استخداما وكتحتاجوه بزاف وضروري. وهو يمكن ليك تستافد منو بشكل مجاني إلى كتم عندك أيمايل جامعي, بحال لي كيعطيو الـ OFPPT لي كيكون على هاد الشكل: DARIJATEC@OFPPT-EDU.MA
الطريقة سهلة أول حاجة غاتمشي للرابط التالي كليكي هنا
ملي تطلع ليك هاد الباج دخل الإيمايل ديالك فالخانة وكليكي على البدء
اتخرج ليك هاد الصفحة كليكي على OK, Got it
من بعد ايطلبو منك تدخل المودباص ديال الإيمايل ديالك باش تسجل الدخول للحساب ديالك.
من بعد ما تسجل غايدخلوك مباشرة لهاد البلاصة, غاتكليكي على : Install Office
كليكي على Office 365 apps
من بعد غا تآنصطاليه عادي وتسجل فيه بالإيمايل ديالك. ومبروك عليك الأوفيس مفعل بطريقة قانونية ومجاني.
التسميات
Networking